ENCONTRO CON LEDICIA COSTAS

O pasado venres Ledicia Costas estivo na nosa biblioteca e con ela mantivemos un pequeno encontro co alumnado de 5º e 6º de primaria. Contounos que o libro de Esmeraldina a pequena defunta xurdiu das moitas preguntas que lle facían  escolares desexosos e desexosas de coñecer a orixe da pequena defunta. 

Falamos con ela da vida e da morte, esa palabra tabú da  que non se fala coa infancia. Desvelounos ademais detalles das ilustracións de Victor Rivas. Tamén nos falou dalgunha que outra mascota que ela coñecía e de que, pese a que os grandes chefs son homes, no libro ela quixo resaltar as cociñeiras, en especial, as nais e avoas que cociñan.

Foi un encontro entrañable do que quedamos cun moi bo sabor de boca.

ENCONTRO CON LEDICIA COSTAS by Slidely Slideshow

Moitas grazas Ledicia pola túa visita e doces saúdos con recendo a chocoleta. 

DÍA DA BIBLIOTECA

Este ano para celebrar o Día da Biblioteca rodeámonos de contos, de libros, de alimentos e de algunha que outra lambonada.

Fixemos unha xincana no patio da escola. En equipos formados por nenas e nenos desde infantil ata 6º de primaria

 

foron resolvendo as pistas que nos levaron a lugares

onde había contos clásicos e outros libros non tan clásicos pero de actualidade como o Premio Nacional de Literatura Infantil e Xuvenil de Ledicia Costas e a conmemoración dos cen anos do  nacemento de Roald Dalh

E para rematar crearon pratos cos alimentos e lambonadas  que acompañaban aos contos. 

                    
Día da biblioteca 2016 by Slidely Slideshow