xoves, 20 de xaneiro de 2022

Preparando o día da Paz...

Centro de interese: a Paz e o Medio Ambiente

martes, 21 de marzo de 2017

21 DE MARZO: DÍA INTERNACIONAL DA POESÍA, DOS BOSQUES E DA SÍNDROME DE DOWN

Hoxe 21 de marzo é unha data para a celebración, para a reivindicación e para a concienciación.

Célebrase o Dia da poesía, e nós en homenaxe a Gloria Fuertes sacamos os seus libros dos andeis da biblioteca para que os degustedes nestes días.

"Los niños que leen poesía se aficionan a la belleza del lenguaje y seguirán leyendo poesía toda su vida"

Tamén se celebra o Día Mundial da Síndrome de Down. Porque a causa máis frecuente é un cromosoma de máis no par 21 (Trisomía 21), porque marzo é o mes 3 do ano e o máis importante; porque é necesario concienciar e sensibilizar a sociedade sobre a realidade das persoas con síndrome de Down.

Estades convidadas e convidados a pasar pola nosa cociña e coñecer a David e a Paulo, os protagonistas destes contos.

Para rematar, non queremos esquecernos do Día Internacional dos Bosques porque sen eles a vida no noso planeta non sería posible.

Neste vídeo podedes ver en menos de 3 minutos a vida dun bosque caducifolio durante 15 meses. O autor é Samuel Orr que desde a ventana da cabaña onde vivía, situada nunha reserva natural de EEUU, tomou máis de 40.000 fotografías para amosarnos o ciclo vital dun bosque con todas estacións, as cores e os sons.

a Forest Year from motionkicker on Vimeo.

domingo, 8 de maio de 2016

HAI QUE MOLLARSE!

Co fin de fomentar a capacidade crítica e o respecto ao medio ambiente, as actividades promovidas pola bilbioteca no terceiro trimestre xirarán arredor da contaminación, a ecoloxía e o coidado do entorno.

O alumnado de 3º como tarefa elaborou un cartel para a recollida de móbiles no centro e no barrio e así participar na campaña MOVILizate por la selva do Instituto Jane Goodall

O cartel elixido pola clase foi o de Xiana porque cumplía todos os requisitos: un eslogan fácil de lembrar, un pequeno texto que convenza e imaxe que a primeira vista indique o que queremos.

Os puntos de recollida de móbiles:

O noso centro
O supermercado Onda en Candeán
O bar de Chin en Candeán
A Asociación Cultural e Veciñal de Candeán
O CEIP Eduardo Pondal en Sampaio.
O bar Princesa no Casco Vello de Vigo

Se conseguimos máis de 30 podemos solicitar a recolllida de balde no centro e as rapazas e rapaces de 3º poderán apadrinar un chimpancé.

Un gran traballo en equipo de documentación, reflexión e elaboración que podedes ver no blog da súa aula picando no seguinte enlace:
http://coaxanelaberta.blogspot.com.es/p/pdi-ardora.html

xoves, 4 de xuño de 2015

5 de xuño: Día Mundial do Medio Ambiente

O Día Mundial do Medio Ambiente celébrase cada 5 de xuño desde 1972. Este día foi establecido pola Asemblea Xeral das Nacións Unidas, na Resolución 2994 (XXVII) do 15 de decembro de 1972, coa que se iniciou a Conferencia de Estocolmo co Medio Humano coma tema principal. Ese mesmo día, a Asemblea Xeral da ONU aprobou a creación do Programa das Nacións Unidas para o Medio Ambiente (PNUMA).

Con esta celebración preténdese fomentar un cambio de actitude cara a temas ambientais, e fomentar a cooperación, pois esta garantirá que tódalas nacións e persoas gocen dun futuro máis prospero e seguro.

Desde a biblioteca queremos sumarnos á campaña e concienciar á sociedade, é dicir, a nós mesmos, da necesidade de coidar e protexer o medio ambiente.

O lema do Día Mundial do Medio Ambiente deste ano é Sete millóns de soños. Un so planeta. Consume con moderación.

O futuro do planeta está nas nosas mans, axudémolo, porque o planeta terra somos nós!!

As persoas seguimos consumindo moitos máis recursos dos que o planeta pode proporcionar.

Sabíades que o sector da gandeiría emite máis gases de efecto invernadoiro que o sector do transporte en todo o mundo? Por iso, aínda que vos pareza raro, reducir o consumo de carne pode contribuir á loita contra o quecemento global porque a cría de gando provoca emisións de gases de efecto invernadoiro, deforestación e outros problemas medio ambientais.