PDI ARDORA

O alumnado de 3º de primaria preséntannos un resumo de todo o foron traballando ao longo do curso.

Parabéns rapazas e rapaces, fixestes un gran traballo!!

1,2,3...Listen to me!

As nenas e nenos de 1º e 2º elaboraron un libro e foron á biblioteca a contarllo aos maiores...en inglés!!

1,2,3...Listen to me!

Nélida Casal de Slidely by Slidely Slideshow

RUMBO A TERRANOVA

O día 19 de setembro na saída ao Museo do Mar de Galicia atopamos unha botella cunha mensaxe misteriosa. A partir dese día iniciamos o Proxecto Ardora, onde ao longo destes oito meses realizamos diferentes actividades e tarefas relacionadas especialmente con Vigo e o mar aínda que tamén tiveron cabida moitas outras dependendo dos intereses e motivacións de cada grupo.

O pasado xoves, cumplidos os oito meses, o alumnado de 1º e 2º de primaria redactou unha "mensaxe" á que  se adheriron  o resto de alumnado do cole. Como curiosidade contamos que Xulio Verne estivo en Vigo e que a nosa cidade sae mencionada na obra Vinte mil leguas de viaxe submarina. Tamén lle pedimos á persoa que atope a botella a leve a escola máis próxima para que as  nenas e nenos que a lean nos respondan e nos conten cousas sobre a súa escola e o lugar onde viven. 

Grazas a teacher Sara tamén a poidemos enviar en inglés porque quen sabe, ao mellor pode chegar moi lonxe...

Esta carta vai nunha botella destino a Terranova no Buque oceanográfico Vizconde de Eza  grazas a Eduardo López, biólogo do Centro Oceanografico de Vigo Estamos moi agradecidas e agradecidos con el pola súa amabilidade e por facer posible que esta actividade se poda levar a cabo. 

O luns 23 saíron rumbo ao Gran Banco e pronto teremos noticias da nosa botella grazas á tripulación do Vizconde de Eza.

Mentras seguimos o desenvolvemento da campaña Platuxa 2016 no seguinte blog:

http://platuxa.blogspot.com.es/

Desexámoslle desde aquí unha moi boa campaña!!

HOORAY FOR FISH!

Nos últimos días na aula de inglés, as nenas e nenos de Educación infantil estiveron lendo o libro de Lucy Cousins Hooray for Fish!

Tamén o visionaron en DVD

Hooray for Fish! by Lucy Cousins from Candlewick Press on Vimeo.

                     

 

                   

Finalmente cadaquén escolleu o seu personaxe favorito, pintouno e aquí os tedes: SPLOSH, SPLASH, SPLISH!

WE ARE ALL DIFFERENT FISH BUT AT THIS SCHOOL WE SWIM TOGETHER

HAI QUE MOLLARSE!

Co fin de fomentar a capacidade crítica e o respecto ao medio ambiente, as actividades promovidas pola bilbioteca no terceiro trimestre xirarán arredor da contaminación, a ecoloxía e o coidado do entorno.

O alumnado de 3º  como tarefa elaborou un cartel para a recollida de móbiles no centro e no barrio e así participar na campaña MOVILizate por la selva do Instituto Jane  Goodall 

O cartel elixido pola clase foi o de Xiana porque cumplía todos os requisitos: un eslogan fácil de lembrar, un pequeno texto que convenza e imaxe que a primeira vista indique o que queremos.

Os puntos de recollida de móbiles:

• O noso centro
• O supermercado  Onda en Candeán
• O bar de Chin en Candeán
• A Asociación Cultural e Veciñal de Candeán
• O CEIP Eduardo Pondal en Sampaio.
• O bar Princesa no Casco Vello de Vigo 

Se conseguimos máis de 30 podemos solicitar a recolllida de balde no centro e as rapazas e rapaces de 3º poderán apadrinar un chimpancé.

Un gran traballo en equipo de documentación, reflexión e elaboración que podedes ver no blog da súa aula picando no seguinte enlace: 
http://coaxanelaberta.blogspot.com.es/p/pdi-ardora.html

Caderno viaxeiro

O caderno viaxeiro de 4º de Educación Infantil xa cumpliu o seu cometido e regresa dos fogares despois navegar entre contos, música e libros para a familia. Agora está a bo recaudo na biblioteca para que a podades consultar cando queirades.

Libreta viaxeira

Leer más publicaciones en Calaméo


Moitas grazas ás famillias pola vosa colaboración!!

A volta a Vigo en 80 días

Rematou A volta a Vigo en 80 días e o Día do Libro poidemos ver o resultado. Moitísimas grazas a todas e a todos por colaborar, en especial ás familias, que axudaron a que esta viaxe por Vigo e a súa comarca fora posible.

"Todos somos capitáns

compañeiros de lugar

ti sorris coma nós

porque somos coma vós.

Imos á procura dun soño,

por lonxe que pareza estar,

nadaremos cos golfiños

polas ondas do teu mar"

                   Magín Blanco

Pequeno Nautilus

Parece que o alumnado de Infantil saiu de viaxe no seu pequeno Nautilus co capitán Nemo ao mando.

  Levaron unha maleta onde recolleron toda a información. 

Neste vídeo podedes ver o resultado da súa investigación sobre o paso de Xulio Verne por Vigo.

Somos mar

Somos mar é un vídeo promocional sobre Vigo que rinde homenaxe á xente do mar, aos mariñeiros que xa non están e aos mariñeiros que cada día traballan na Ría de Vigo. Un vídeo que lembra a importancia do sector do mar na economía da zona e na vida das súas xentes.

Somos mar de Vigo from Juan Tiburcio on Vimeo.

Traxe de salvamento

No primeiro andar, xunto á biblioteca, temos un traxe de salvamento marítimo xunto con algunhas das súas características:

• É un traxe para home ou muller con estaturas de entre 1,50 metros e 2metros e peso entre 50 e 120 quilos.
• Permite estar ata 6 horas na auga a 5 grados de temperatura.
• No pescozo e na parte alta da espalda ten unha axuda flotante para manter a cabeza fóra da auga.
• Ten ¨reflectantes" que brillan cando lles dá a luz e así poder localizar á persoa que está na auga.
• Tecido de neopreno, que impide que o corpo perda calor.
• Ten unha luz para que se vexa a persoa pola noite.
• As manoplas son de neopreno. Son así para manter xuntos os dedos e que non se arrefríen.

No seguiente vídeo podedes ver o rescate, con ondas de 9 metros e ventos de forza 8, de Salvamento Marítimo que no pasado mes de xaneiro salvou aos 22 tripulantes do cargueiro "Modern Express" a 148 millas Norte de Cabo Ortegal.

DÍA DA POESÍA: MANUEL MARÍA

A volta ao mundo de Nellie Bly

Elizabeth Jane Cochran, xornalista que asinaba os seus artigos como Nellie Bly, foi a primeira persoa en facer realidade a aventura de Phileas Fogg, o protagonista da novela de Xulio Verne "A volta ao mundo en oitenta días"

Nellie Bly (1864-1922)

O 14 de novembro de 1889 partiu do peirao de Hoboken, en Estados Unidos, camiño a Europa. Tiña 25 anos cando iniciou a súa aventura soa, seguindo a ruta do protagonista da novela de Xulio Verne. 

Durante a travesía, recibiu unha carta de Xulio Verne e da súa muller, invitándoa a que os visitara. Nellie non o dubidou, e ao día seguinte de ler a petición da parella pasaba a tarde conversando con eles na casa que tiñan en Amiens, Francia.

Nellie Bly no so fixo realidade o record do personaxe literario, senón que foi máis rápida: conseguiu finalizar o traxecto en 72 días, 6 horas, 11 minutos e 14 segundos.

Recolleu o seu periplo nun libro, no que narra a súa aventura, titulado "Volta ao mundo en 72 días".

Outra muller, Elizabeth Bisland, facía o mesmo recorrido pero en sentido inverso. Ela necesitou catro días máis para finalizar o traxecto.

Para saber máis:

Fonte: http://www.diariodelviajero.com/aventura/la-mujer-que-dio-la-vuelta-al-mundo-en-menos-de-80-dias-y-poco-despues-que-phileas-fogg

Fonte: http://www.jotdown.es/2016/02/cuando-julio-verne-conocio-a-nellie-bly-la-mujer-que-batio-el-record-de-phileas-fogg/

Fonte: http://www.microsiervos.com/archivo/curiosidades/nellie-bly-primera-persona-en-dar-vuelta-al-mundo-en-menos-de-80-dias.html

A volta ao mundo de Phileas Fogg

Estamos na conta atrás para que, como Fogg ou Nellie Bly, finalicedes a vosa Volta á Vigo e comarca e teñamos xa as vosas fotografías.

Pero quen é Phileas Fogg? 

Para quen non o saiba, Fhileas Fogg é o protagonista da novela de Xulio Verne "A volta ao mundo en oitenta días". Fogg é un home enigmático ao que lle gusta asistir puntualmente ao distinguido Reform Club. Un día, decide apostar a metade da súa fortuna de que será capaz de dar a volta ao mundo en 80 días. Pouco tempo antes da súa partida, en Londres, ocorre un roubo nun banco. O detective Fix sospeita de Phileas Fogg pola súa repentina saída de Inglaterra e pola cantidade de diñeiro que leva enriba. Nas súa aventura o acompaña Jean Passepartout.

Ilustración de Alphonse Marie de Neuville

Como curiosidade

O libro é tan popular que se fixeron numerosas adaptacións ao cine, ao  teatro e á animación.

No ano 1956 a adaptación ao cine recibiu cinco premios Óscar e dous Globos de Oro.

Nos anos oitenta en España estrenouse unha serie de debuxos animados baseada no libro que tivo moito éxito.

Tamén en conto animado.

Incluso as 3 Mellizas quixeron dar A volta ao mundo en oitenta días!

A VOLTA AO MUNDO EN 80 DÍAS

Neste segundo trimestre queremos convidar  a todo o alumnado e ás familias a explorar o mundo e a compartir o aprendido.

O tema da navegación axudaranos a coñecer outros mundos, culturas e formas de vida.

fonte: http://jacintoseenreda.blogspot.com.es/2014/09/especial-mapas-espana-europa-y-el-mundo.html

E un faro será o que nos guíe nesta ruta ao longo do segundo trimestre.

Fotografía de Xacobe Casal

Artigos de pesca

Na saída ao Museo do Mar, ademais de visitar o acuario o alumnado de 3º visitamos a tenda de artigos de pesca. Alí observamos e anotamos utensilios básicos da pesca co que elaboramos en pequenos grupos un arquivo dixital. Con este traballo Santi, Fátima, Rául, Naica, David, Xiana, Manuel, Ainoa e Anxo no so reflexionamos sobre este oficio senón que aprendemos a traballar en equipo e facer traballos dixitais.

Artigos Pesca Fin

Publish at Calameo

Animais mariños

As nenas e os nenos de educación infantil, coa axuda das súas familias, investigaron sobre diferentes animais mariños. Expuseron na clase os seus traballos e gracias a eles aprendimos moitas cousas que non coñeciamos!!

This slideshow made with Smilebox

Ardoras de pedra

O día da nosa saída ao Museo do Mar de camiño a Bouzas fixemos unha parada na praia. Ali atopámonos con moitímos coios. Só poidemos coller un por persoa, temos que coidar o medio ambiente e as pedras forman parte do ecosistema.

No cole fixemos con elas peixiños, bonecos, animaliños, e todo o que se nos foi ocorrendo e imaxinando.

Na clase de 3º fixemos ardoras

Ardoras de pedra by Slidely Slideshow

O mar chega a Sampaio

As nenas e nenos de 4º de Educación Infantil quixeron amosarlle todo o que están aprendendo sobre o mar ás nenas e nenos de infantil do CEIP Eduardo Pondal.

Ademais enviáronlles una agasallo que fixeron na escola coa profe Vicky.

A mensaxe dos peques de Sampaio

Despois de atopar a botella o día da saída ao Museo do Mar, as nenas e os nenos de 5º e 6º de Infantil quedaron cheos de dúbidas. Non sabían quen podería ser ese señor chamado Xulio que escribiu a mensaxe, nin onde estaría ese taller onde había un submarino e a donde  levou o seu iate a reparar. 

Ata que tiveron unha fantástica idea: lle pedirían axuda ao nenos e nenas do CEIP Eduardo Pondal, así que decidiron enviarlle a súa mensaxe nunha botella.

Pois hai uns días recibimos resposta á nosa mensaxe. Non tiña letras nin números como a que lle enviamos nós. Toda unha incógnita...

Ata que a profe Pili nos dixo que se chaman códigos QR e nos descubriu o seu funcionamento.

Co seu teléfono e o código QR  atopamos fotografías de  Xulio Verne, o Nautilus e Ardora.

Grazas peques de Sampaio por colaborar con nós!!

Paul Klee

Paul Klee, O peixe dourado, Kunsthalle, Hamburgo, 1925

Paul Klee, Peixe máxico, Philadelphia Museum of Art, 1925

paul klee animation from Judith Cornejo on Vimeo.