Comeza o curso 2019 2020... Á procura da felicidade...

Presentación ás familias do noso proxecto anual e da Biblioteca

NESTA ESCOLA PINTAMOS TODOS E TODAS

Desde a biblioteca dámosvos a benvida ao curso 2018/2019, especialmente ás familias das nenas e nenos que se incorporaron este ano. O Proxecto de traballo que imos desenvolver ao longo destes meses xirará ao redor do centro de interés da Arte.

A biblioteca será o mecenas que impulse a experimentación, a investigación, a creatividade e o pensamento crítico. Queremos converter a biblioteca nunha factoría de aprendizaxes onde crear e compartir o aprendido.

Nesta escola pintamos todas e todos, polo que vos convidamos a que compartades con nós experiencias e coñecementos. 

Se vos pasades por aquí poderedes atopar máis información e ver como se vai desenvolvendo o proxecto.

            

Para comezar esta aventura precisamos que lles botedes unha man e que nos acheguedes a vosa creación de Candeanina, que pode ser vista desde diferentes interpretacións artísticas: picassiana, daliniana; de estilo cubista, realista, impresionista… Lembrade que tedes de prazo ata o luns 16 de outubro!!

Por último, non vos esquezades que a biblioteca estará aberta de luns a venres en horario de 16:00 a 17:00 horas.

Moitas grazas pola vosa colaboración e... “Mans á obra”!

3,2,1...DESPEGAMOS!

Desde a biblioteca dámosvos a benvida ao curso 2017/2018, especialmente ás familias das nenas e nenos que se incorporaron este ano.

 

Este curso temos unha misión: desenvolver un proxecto de traballo que terá como tema central O Universo. A biblioteca será o centro de control que axude a favorecer a observación, a consulta e a investigación para dar resposta aos diferentes interrogantes sobre o coñecemento do espazo e o coñecemento de nós mesmos.

Queremos crear unha nave de ideas á que estades convidados e convidadas. A biblioteca está aberta a que compartades con nós experiencias e coñecementos.

    

              

Se vos pasades por aquí poderedes atopar máis información e coñecer como se vai desenvolvendo o proxecto.

Para emprender esta viaxe precisamos que lles axudedes a decorar os debuxos que formarán parte do noso particular espacio e que RESOLVADES O ACERTIXO QUE VÉN AO REVERSO. Tedes de prazo ata o martes 10 de outubro! 

Saúdos platurnianos desde a biblioteca!