jueves, 20 de junio de 2019

Lecturas para viaxar lonxe

Achégase o verán, e con el o tempo de lecer.


Fonte: internet


Candeanina tráenos esta pequena guía de lecturas con libros de poesía, aventuras, banda deseñada, teatro,  música...




Leer más publicaciones en Calaméo



Biblioteca Pública de Stuttgart


Nos vos esquezades  que tamén podedes visitar as bibliotecas municipais que seguirán abertas no verán.


En lecturas para días luminosos  das Bibliotecas escolares de Galicia podedes atopar máis guías de lectura doutros coles.


Felices lecturas e feliz verán!

miércoles, 19 de junio de 2019

Coñecemos Bogotá

Hai uns días, Samuel e a súa mamá Keyla viñeron á biblioteca para falarnos da súa cidade, Bogotá.


 Descubrimos moitísimas cousas sobre a cidade: amosáronnos as moedas e billetes do país, 




as bandeiras de Bogotá e Colombia 



un sombreiro elaborado cunha fibra que provén da palmeira




 e finalmente degustamos froita típica de Colombia, a guayaba.





Moitísimas grazas Keyla e Samuel por axudarnos a coñecer mellor o voso país e cultura. Foi unha xornada formidable!


martes, 18 de junio de 2019

Contos en Kamishibai

O alumnado de 3º e 4º de primaria realizamos para o resto do colexio unha función de kamishibai. Cada nena e neno escribimos a nosa historia e a representamos aos demais. 






Este proxecto tivo moito traballo previo. O conto biombo, no que secuenciamos mediante papiroflexia as partes do conto. Logo, contruímos o cómic, onde o conto enriquecíase coas viñetas e os textos correspondentes. Con el fixemos unha unha primeira aproximación de actuación nas aulas de educación infantil.

 






kamishibai 3º 4º primaria by Slidely Slideshow


Finalmente, cada unha desas viñetas fíxose independiente: pasámolas a un folio cada unha, dándolle o formato de teatro de papel, o kamishibai.




Moito esforzo, traballo e tesón, deu como resultado unha actividade da que todos e todas gozamos. 


 






miércoles, 5 de junio de 2019

O Recuncho dos Soños

No patio da escola temos un Recuncho dos Soños para a lectura por pracer. Alí, estaba a árbore dos soños, que nos daba sombra e nos acompañaba nas horas de lecer. En marzo do pasado ano, os temporais Giselle e Félix levárona por diante e sentimonos un pouco orfos. 



O alumnado de 4º e 5º de primaria o curso pasado quixeron facerlle unha pequena homenaxe.




E escribieron un epitafio.



Hoxe, Día Mundial do Medio Ambienteas cousas cambiaron e estamos moi alegres. Os bancos están pintados de cores, plantamos unha nova árbore no Recuncho dos Soños e lemos A arbóre da escola, un fermoso conto de Antonio Sandoval.  



Xa temos unha nova árbore á que podemos aloumiñar , darlle apertas e lerlle poemas.







viernes, 31 de mayo de 2019

Visita do IES Carlos Casares

O alumnado de 1º da ESO do IES Carlos Casares estivo na nosa escola e con eles celebramos o bicentenario do Museo do Prado grazas as súas propostas de traballo.






En educación infantil poideron gozar dunha sesión de contacontos, en 1º e 2º xogaron coa poesía,







3º e 4º descubriron os segredos que agocha El jardin de las delicias de El Bosco


Tamén descubriron emocións co cadro do mesmo pintor Mesa dos pecados capitais, e 5º e 6º primaria coñeceron un pouco máis o Museo do Prado, a  Isabel de Braganza, e a Goya.





Moitos parabéns as rapazas e rapaces do IES Carlos Casares e as profesoras que fixeron posibles este magnífico  traballo!

martes, 28 de mayo de 2019

Pintamos o muro da escola

Na escola, tiñamos un muro moi feo, ao que había que darlle cor...





E que mellor que este curso, dedicado á arte, para poñernos Mans a obra. Jose, o conserxe, botounos unha man limpando e pintando de branco o muro.



Puxémonos en contacto con Maz, que nos propuso que o diseño fora das nenas e nenos do cole e que lle enviaramos debuxos de todos eles.








Elixidos por el algúns dos debuxos, o venres 25, os grafiteiros e muralistas Maz e Sonriots, debuxaron no muro os diseños para que todo o cole poidera darlle cor.




Desde educación infantil a 6º de primaria foron pasando  curso por curso.








E así como comezaron o mural, Maz e Sonriots tamén o remataron cos detalles...



Motísima grazas
 por axudarnos a darlle cor ao muro da escola!







 

lunes, 27 de mayo de 2019

Enquisa sobre a biblioteca para o alumnado

A vosa opinión é importante para axudarnos a mellorar o noso traballo na biblioteca.

Moitas grazas por colaborar!