Día do Libro - 23 de abril do 2022

Este ano polo día do libro todo o alumando e todo o persoal que traballa no noso centro pintou o seu libro favorito nunha camiseta de cor branca.

 

En primeiro lugar, o alumnado escolleu o seu libro favorito e pintaron as camisetas brancas que lles enviaron as familias (moitas grazas familias pola vosa colaboración!)

Despois cada alumno ou cada alumna preparou un pequeno texto para falar a compañeiros de outras clases sobre porque escollera esa camiseta!

Hoxe, día 28 de abril, todos e todas nos pusemos as nosas camisetas decoradas cos nosos libros favoritos para contarlle ao resto do cole cal era o noso libro favorito!

Finalmente, penduramos todas as camisetas no patio cuberto do cole: qué bonitiñas quedaron!

Día do Libro: 23 de abril do 2021: Lecturas no camiño

 

Imaxe: Cristina Novoa

23 de abril de 2021

Día mundial do libro

Este curso celebramos o Día mundial do libro facendo e xogando con lecturas nun camiño que atravesaba   distintos recunchos do noso cole.

O camiño da lectura que todas as clases do noso centro cole fixeron tiña sete estacións. Cada estación contiña un pequeno reto lector ou proba como podedes observar aquí!

Cada clase levaba unha folla de rexistro na que, alén de cubrir unha pequena pregunta ou proba en cada estación, tiñan que selar para demostrar que tiñan feito as sete estacións do noso camiño da lectura! Ah! Esa folla de rexistro ía acompañada por un mapa do propio camiño!

Deixamos algunhas fotos das distintas estacións, dos libros, dos espazos, das follas de rexistro... Qué ben o pasamos!

Aínda temos tempo para deixarvos o vídeo da curta que viron todas as aulas na Candeanina Libroteca:

23 de abril: Festa do Día do Libro. Recomendación de libros, a relaxación, a respiración, o ioga e o "Saúdo ao sol" e moitas máis cousas para pasalo xenial!

Hoxe é o día do libro... Que mellor ocasión ocasión para continuar pondo en práctica algúns lemas do noso curso 2019/2020: seguimos na procura da felicidade!

Despois de ver este vídeo Candeanina o ten decidio: de querer seguir practicando niso que vimos a dicir de "Mens sana in corpore sano" ten de facer algo de ioga...

Gracias a familia de Lucas e de Sofía por compartir este vídeo con nós e mostranos este "saúdo ao sol" tan cargado de enerxías positivas... Qué mellor forma de empezar o noso día do libro! Moitas grazas a Lucas e a Sofía, e a súa familia, por un vídeo tan xenial!

Deixámosvos tamén un enlace sobre ioga para nenos e para nenas: por se alguén se anima!

E máis información sobre o ioga e a súa historia para ler nese libro dixital inmeso chamado Galipedia:

Para seguir coa celebración do noso día do libro queremos deixarvos un saúdo, unhas palabras dende a súa casa e unhas recomendacións lectoras de alguén que coñecedes todas e todos moi ben...

Este é un dos libros dos que nos fala: Respira: podedes ler un fragmento, dispoñible na páxina da propia editorial premendo sobre a imaxe!

Deixámosvos tamén un pequeno vídeo sobre o libro:

A continuación deixamos un link para a editorial y para un vídeo conto doutro dos libros dos que nos fala a profe Cris: "La rabieta de Julieta"!

  Deixamos tamén por aqui o último vídeo que nos recomenda a nosa profe Cris:

Antes de terminar aínda nos queda a última pequena sorpresa de hoxe... Outra profe contanos un pequeno conto, ben bonitiño, para recomendarnos outros contos...

Antes de terminar queremos deixar este vídeo coa adaptación do "Monstro das cores", un dos contos dos que nos fala Goreti, e o coronavirus... As emocións son, hoxe, aínda máis importantes que nunca!

 Se alguén se anima a facer algún outro vídeo dende a súa casa con algún momento que teña que ver co proxecto educativo deste ano ("Mens sana in copore sano") ou calquer persoa da comunidade educativa (alumnado, familias, profes...) quere enviarnos as súas suxestións lectoras a través dunha grabación de vídeo o podería compartir a través do noso correo: candeaninalibroteca@gmail.com  

Stop Motion e recomendacións lectoras

No mes do libro estreanos cabeceira para os vídeos das nosas recomendacións lectoras grazas ao traballo do alumnado de 5º e 6º de primaria axudantes de biblioteca.

Crearon unha animación coa aplicación Stop Motion  co rato de biblioteca como protagonista.  

Aquí podedes ver o resultado coa recomendación que fixo Carla de 5º de primaria do libro Pintoras de Ángeles Caso.

 

Tres voltas ao planeta

Na celebración do Día do Libro o alumnado de 2º de primaria recitou un poema do libro Tres voltas ao planeta de Ana Mª Fernández.

Un fermoso poema para sair da biblioteca
e viaxar arrededor do planeta!

Érase unha vez un conto

que non se quixo contar,

rebelde, curto, poeta,

que escapou da biblioteca,

sen levar unha maleta,

só a maxia da súa letra

e botouse a camiñar,

porque xa non tiña gana

de que chegasen as fadas,

nin as bruxas tan malvadas,

nin o lobo,

o elefante,

nin o dragón,

nin a espada,

nin a princesa,

nin...nada!

 Só quería viaxar!

E montou primeiro en globo,

en tren, barco e bicicleta,

deu tres voltas ao planeta,

sen volver a vista atrás.

Érase unha vez un conto,

rebelde, curto, poeta,

que aprendeu deste planeta

a poñer amor na letra

para volverse contar.

   Ana Mª Fernández