martes, 18 de junio de 2013

PROXECTO DOCUMENTAL E FINAL DE CUUUUUUUUUUUUUUURSO!!!!



Proxecto Documental: Exposición dos traballos.

Ø  O xoves 20  ás 10:00h na Biblioteca o alumnado e profesorado fará una posta en común sobre a súa aportación ó Proxecto Documental: “Candeán, o lugar onde vivimos”:

·      O tema elexido por E. Infantil foi os animais de Candeán: os domésticos   de cortello e granxa e os salvaxes do zoo. Crearon o conto “Coelliño quere comer” que que nos presentan coa narración grabada.

·      O alumnado do 1º curso de Primaria documentouse sobre a fauna do parque forestal do Vixiador e elaborou o libro “Animais do Vixiador”con datos e debuxos dos animais co seu nome en galego, castelán, e algúns en inglés.

·      2º e 3º de primaria centraron o seu interese nas plantas da zona e o resultado final da súa investigación foi o libro “Plantas de Candeán”.

·      O alumnado de 4º de primaria plasmou o resultado da súa investigación en dous mapas da zona. Un deles co percorrido do autobús urbán, outro de Candeán ampliado. Os escolares localizan en cada mapa onde viven e as referencias que poden utilizar para situarse.

·      As nenas e nenos de 5º de primaria documentaronse sobre a evolución demográfica de Candeán. Os datos recóllense nun estudio que acompañan cun mural que leva por título: “Sabías que…?

·      O tema elexido polo alumnado de 6º de primaria foron as Mámoas de Candeán. O resultado final un álbum fotográfico froito do Roteiro que o 3º ciclo realizou para documentarse.

·      RADIO CANDEÁN 2.0

Ø    O venres 21, último día do curso, no que se desenvolverán actividades de participación das familias: II XINCANA do CEIP Igrexa-Candeán e DESPEDIDA do alumnado de 6º de Primaria,  amosaranse  ás familias os traballos finais cunha EXPOSICIÓN na planta baixa do colexio.